January 25, 2022

Mga Taga-Estancia, Napuhag sa Pagpanghostage sang Lalaki nga Ginapatihan High sa Druga sa Police Station; Suspek, Napatay Sang IPPO-SWAT Makaligad ang Halos Tatlo ka Oras nga Pagpanghostage!

Read Time:1 Minute, 12 Second

Estancia, Iloilo–Napuhag ang mga pumuluyo matapos nang-hostage sang non-uniformed personnel sang Estancia Police Station ang ginapatihan high sa druga nga lalaki kahapon.

Ginkilala ang suspek kay Romy Albor alyas Burot sang Barangay Botongon, Estancia. Ginpahayag halin sa Bang suspek nga armado sang shotgun kag granada nga nahuksan na sang pin. May dala ini nga isa ka bihag nga nakaposas pa sa iya nga si Jerome Gelveson. Ang tatlo ka mga NUP nga ginbihag amo sanday John Gabriel Casibual, Michelle Parcon kag Mark Gumban. Apang nakapalagyo si Gumban matapos ginsugo sang suspek nga magkuha sang liyabe sa presuhan kag ginhambalan nga abrehan ang karsel sang police station agud makaguwa ang lima ka preso nga may kaso angut sa illegal drugs. Suno kay Gumban, nagdemand ang suspek sang tatlo  ka m16 rifle kag salakyan

Nakasulod pa sa karsel sang police station si Albor upod ang tatlo ka mga bihag sang ginhambalan sini si Estancia SB Member Danilo Bataga nga nagnegosyar sa iya nga buksan ang presuhan. Wala naglawig sa karsel si Albor kag nagdesisyon nga maguwa upod ang mga preso kag nagbato sa mga miembro sang IPPO-SWAT tubtub nga napatay.

Napilasan sa insidente si Gelveson kag si SPO2 Richard Rufino nga assign sa Sara Police Station kag kabahin sa mga nagresponder sa lugar.

Narecover sang mga pulis kay Albor ang duha ka hand grenade, isa ka homemade shotgun kag isa ka 45-caliber pistol.  (Aine Grace Bravo)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 50-anyos nga Babaye, Nadakpan sa Buybust Operation sa La Paz
Next post Aksyon Radyo Exclusive: Driver sang Taxi, Nag-ako sa Aksyon Radyo Iloilo nga Siya ang Ginsakyan sang Menor nga Nasapwan sa Moonlight Lodge kag sa Suspek