2 ka Estudyante sa Lambunao, Patay Matapos Nalumos sa Suba

Lambunao, Iloilo–Patay sang nag-abot sa ospital ang duha ka estudyante nga nalumos sa suba sa Lambunao kahapon.

Suno kay PINSP Felix Alianza, hepe sang Lambunao Police Station, naghagaray nga maligo sa suba sanday alyas Boy kag alyas Toto, lunsay 9 ka tuig kag estudyante sang Don Ignacio Ramirez Memorial School sa barangay Yayubo, matapos nagdesisyon nga indi mag-eskuwela kahapon sang hapon. Ginhagad man sang ini ang duha pa nila ka classmates pakadtu sa creek nga sakop sang WVSU Lambunao campus.

Nakakadtu sa madalom nga parte sang suba ang duha ka biktima kag gulpi lang nga nagsarurot sa tubig. Ang duha naman nga nakaluwas ang nagpahibalo sa insidente kag nagpangayo sang bulig. (Aine Grace Bravo)