PDEA 6-identified Drug Group Leader Melvin Odicta, Nag-plead nga Not Guilty sa Kaso nga Pagpangawat angut sa Tuyo nga Pagsaka sa Estasyunan sang Aksyon Radyo Iloilo sang Nagligad nga Tuig

Iloilo City — Nag-plead nga not guilty si PDEA 6 identified drug group leader Melvin Odicta sa arraignment sang kaso nga pagpangawat nga ginpasaka sa iya sang Mandurriao police.

May kaangtanan ini sa tuyo nga pagsaka sang grupo ni Odicta sa Aksyon Radyo Iloilo kag pagkadula sang CCTV camera sang estasyunan sang Nobyembre 19, 2015 sang kaagahon.

Nag-abot sa branch 26 sang Regional Trial Court sa Iloilo Hall of Justice si Odicta upod ang iya asawa nga si Mrs. Meriam Odicta, Monica-Blumentritt, City Proper Barangay Kagawad Jesus ‘Jingjing’ Espinosa kag retired police Inspector Lino Duarte.

Nag-abot man ang abogado ni Odicta nga si Atty. Romeo Gerochi.

Nagtambung man sa arraignment sanday Aksyon Radyo anchormen Jun Capulot kag Joecel Bañas nga nagserbe testigo sa kaso. (JoMaque)