Masobra 700 ka mga Drug Personalities sa Western Visayas, Ginbisitahan sang mga Police sa una nga adlaw sang Oplan Tokhang

Iloilo City — Ginatos ka mga ginasuspetsahan nga drug personalities sa Western Visayas ang nabisitahan sa una nga adlaw sang Oplan TokHang ukon toktok hangyo sang Philippine National Police.

Nakapanuktok ang mga police sa balay sang 779 ka mga drug personalities sa bug-os nga rehiyon.

Nalakip sa mga ini ang 562 ka mga drug users, 196 ka mga suspected pushers kag 21 ka pushers kag users.

Ginpahayag ni Supt. Gilbert Gorero, spokesman sang PRO 6 nga ang una nga adlaw sang Oplan TokHang nagresulta sa boluntaryo nga pagsurrender sang 662 ka mga tawo—40 dire ang mga users, 47 ang pushers kag 6 ka users kag pushers nga nalakip sa watchlist sang suspected illegal drug personalities, 498 ka mga users, 70 ka mga pushers kag 1 ka user kag pusher nga wala naman nalakip sa listahan.

Ang Oplan TokHang ang isa sa duha ka main components sang Project Double Barrel nga brainchild sang bag-o nagpungko nga PNP director general Ronald Dela Rosa.

Ang konsepto sini ang pareho sang double barrel nga pusil nga nagapalupok sang duha ka bala sa isa lang ka pagpitik sang trigger.

Target sang proyekto ang mga big-time drug lords kag street level drug personalities. (JoMaque)

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %