UPDATE: 59-anyos nga Lalaki sa San Joaquin, Nagtudlo sa iya Ihado nga Nag-utod sang iya Kinatawo!

Iloilo–Nagakatulog ang 59-anyos nga lalaki sa Barangay Igdagmay, San Joaquin sang gin-utod sang iya ihado ang iya kinatawo sang weekend.

Suno kay alyas Domeng, nag-inom sila sang Sabado ni Noel Sarte. Natulugan si Domeng kag nakabugtaw nga utod na ang iya kinatawo. Wala man sang baisay nga natabu suno kay Domeng.

Ginbaton na lang ni alyas Domeng nga wala na siya sang kinatawo. Suno kay Domeng, masakit man ang iya sitwasyon pero wala na siya sang mahimo kundi batunon ang natabu. Ginpahayag ni Domeng nga gingamit ni Noel sa pag-utod sang iya kinatawo ang sanggot.

Padayon nga ginabulong si Domeng sa Western Visayas Medical Center. (AGB)