49-anyos nga Lalaki nga Nagtiro sang Dughan, Wala Napilasan!
Iloilo City–Wala napuruhan ang 49-anyos nga lalaki nga nang-agaw sang pusil sang security guard sa Costa Esmeralda Subdivision sa boundary sang Balabago kag Buhang Jaro kagab-i.
Suno kay PINSP Bigcas, ginpalapitan ni alyas Tony sang Brgy. Tinurian, Barotac Nuevo ang security guard nga si Jeffrey Apepe kag ginhingyo nga mahulam sang motorsiklo agud nga mapadul-ong sa guwa sang subdivision. Apang naghambal si Apepe nga i-lisensya sini sa tag-iya ang salakyan. Ginpahayag nga pagtalikod sang security guard, madasig nga gingabot ni Tony ang 38-kalibre nga pusil ni Alpete kag naghambal nga ma-suicide siya kag gintiro ang kaugalingon.
Gindala sa ospital si Tony. Nagisi ang bayo ni Tony pero daw paso lang ang nakita sa iya panit.
Ginpahayag nga na-depressed si Tony bangud apat ka adlaw na nga wala nakabalik sa ila gina-istaran nga balay ang iya live-in partner. (AGB)