Internal Cleansing sa PRO-6, Pagatutukan sang Bag-o nga Director

Magapatuman sang internal cleansing sa kapulisan sa rehiyon 6 si PCSUPT Jose Gentiles, ang bag-o nga director sang Police Regional Office 6.

Gin-ako ni Gentiles nga bag-o lang siya sa Western Visayas gani madamo siya sang dapat nga matun-an antes magplastar sang mga plano. Iga-validate sini ang mga impormasyon angut sa mga pulis nga ginpahayag involved sa illegal nga druga, indi lang sa syudad sang Iloilo kundi sa bug-os nga rehiyon.

Ginpahayag ni Gentiles nga indi siya magpadasu-daso sa iya desisyon nga wala matun-an sang maayo.

Duha ka semana ang ginhinyo sini nga plaso para makahimo sang mga tikang para bungkagon ang mga illegal drug groups sa rehiyon. (AGB)