Pagtumod kay anay PRO 6 Director Bernardo Diaz nga Protektor sang Illegal nga Druga, Posible nga Patu-Patu lang suno kay Governor Arthur Defensor
Iloilo City — Wala sang may nabatian nga istorya si Governor Arthur Defensor nga protector sang illegal drugs si anay PRO 6 Director Bernardo Diaz.
Mahimo suno kay Defensor nga ginpatu-patoan lang si Diaz agud maguba ang imahe sang Philippine National Police.
Apang wala sini ginakuwestyun ang pagbuyagyag ni President Rodrigo Duterte nga si Diaz ang isa sa lima ka police generals nga protektor sang illegal nga druga.
Nagapati si Defensor nga ginbuyagyag ni Duterte ang pangalan ni Diaz bangud may gina-uyatan ini nga mabakod nga ebidensya.
Apang makapalain naman sa imahe sang presidente ang pagbuyagyag kon wala sang ebidensya. (JoMaque)