Anak ni CIPJODA President Porsing Parreño, Nadakpan sa Buybust Operation sa Pototan

Iloilo — Arestado sa buybust operation ang anak ni Confederation of Iloilo Provincial Jeepney Owner’s and Driver’s Association (CIPJODA) president Porsing Parreño sa Barangay Batuan, Pototan.

Ginkilala ang nadakpan kay Allen Jay Parreño, 32-anyos sang Ubang, Pototan.

Nakuha kay Parreño ang duha ka sachet sang suspected shabu kag isa ka cellphone.

Presu na ini sa karsel sa Pototan Police Station.

Wala naman naghinulsol ang tigulang nga Parreño sa pagkadakop sa iya bata bangud ginhambalan niya man ini nga mag-untat sa iya bisyo. (Nemesio Martirez)