41 ka Drug Personalities, Nagsurrender sa mga Pulis sa San Enrique

Sa Enrique, Iloilo–41 ka mga drug personalities ang boluntaryo nga nagsurrender sa kapulisan kahapon.

Ginkumpirmar ni Mayor Trixie Fernandez nga mga suspected drug users kag drug pushers ang nagsurrender bilang kabahin sang Oplan Tokhang sang Philippine National Police. Sa ginhiwat nga programa kahapon, may commitment signing ang mga durugista sa diin nasaad nga  dapat nila sundon ang ila commitment nga untaton ang illegal nga aktibidad kag magbag-o sang kabuhi.

Ginpasalamatan naman sang alkalde ang kapulisan sa aktibo nga pag-implementar sang programa. Gin-engganyo man sini ang mga pulis nga pasangkaron ang programa bangud seryoso ang gobyerno nga ma-untat ang problema sa illegal nga druga sa pungsod. (AGB)