3 ka Ginapatihan Durugista, Nadakpan sa Separado nga mga Buybust Operations sa Syudad

Iloilo City–Tatlo ka mga ginapatihan durugista ang nadakpan sa separado nga buybust operations sa Arevalo kag Jaro kahapon.

Na-aresto sa Zone 13 Barangay Calaparan, Arevalo sanday Arlon Tumali, 40-anyos kag Benjie Tijam, 33-anyos nga lunsay mga taga-Bakhaw, Mandurriao. Nabaklan ang mga suspek sang 300 pesos nga balor sang suspected shabu kag na-recover man ang 14 pa ka sachets sang suspected shabu kag mga drug paraphernalia.

Samtang, dakup man sa buybust operation sa Brgy. Seminario, Jaro si Jan Ray Cambel, 29-anyos sang South Fundidor, Molo. Nakuhaan ini sang tatlo ka sachets sang suspected shabu, 200 pesos nga buybust money, cellphone kag wallet nga naga-unod sang 100 pesos. (AGB)