Uncategorized

Balay sang mga Prevendido sa Bakhaw Mandurriao, Liwat gin-subject sa Oplan Tokhang

Iloilo City — Gin-ako ni Bakhaw Mandurriao kagawad Norberto Prevendido nga nagabaligya sang illegal nga druga ang iya kabataan.

Partikular nga gintumod sini ang si Ana kag si Norberto Jr.

Si Norberto Jr ang nalakip sa listahan sang Barangay Anti-Drug Abuse Council (BADAC).

Ginpahayag ni barangay kagawad Prevendido nga wala man siya nagkulang sa pagpahanumdom sa iya mga bata nga untatan ang pagbaligya sang illegal drugs kag mag-surrender na sa mga otoridad.

Gin-ako man sini nga nagabaligya sang illegal nga druga ang iya manghod nga si Richard Prevendido, ang ginatudlo sang Mandurriao police nga number 1 drug personality sa Mandurriao.

Gin-subject sa Oplang Tokhang sang Mandurriao police ang balay ni punong barangay Remia Gregori nga utod ni kagawad Prevendido.

Natukiban nga expired na ang lisensya sang pusil sang iya bata bana. (JoMaque)

Leave a Reply