PDEA 6 Director Paul Ledesma, Gin-relieve!

Iloilo–Ginkumpirmar ni Philippine Drug Enforcement Ageny (PDEA) 6 Director Paul Ledesma ang pag-relieve sa iya.

Suno kay Ledesma, nakabaton siya sang tawag kahapon halin sa central office kag ginpahibalo nga magpreparar para sa i-implementar nga pagbalasa sa ahensya.         Ginahulat na lang sini ang kopya sang agency order nga nagapa-relieve sa iya sa Region 6 kag kun ano ang iya bag-o nga assignment.

Kon mabaton ni Ledesma ang order, iga-plastar sini ang maayo nga transition sa bag-o nga regional director. Preparado man suno sa iya ang iya staff para sa pag-turn over sang mga dokumento kag maghatag sang briefing sa mga plano kag programa sang ahensya sa rehiyon.

Wala na nakibot si Ledesma sa pag-relieve sa iya bangud Hulyo 2 pa sang naghiwat sang command conference ang bag-o nga PDEA Director General-Isidro Lapeña nga nagpahibalo nga pagbalasa sa ahensya. (AGB)