Tatlo ka mga Opisyal sang Provincial government, Ginpapanaugan sang Suspension order sang Sandiganbayan

Iloilo City — Nabaton na sang Governor’s Office ang suspension order sang Sandiganbayan para sa 3 ka mga opisyal sang provincial government.

Ginpapanaugan sang 90-day suspension sanday Provincial Accountant Lyd Tupas, Asst. Provincial Accountant Sandra Bionat kag anay General Services Office (GSO) Head Ramy Salcedo.

Suno kay Atty. Suzette Mamon sang Provincial Legal Office, ang suspension may kaangtanan sa pagbayad sang provincial government sa Greencore Geothermal Corporation bisan wala nakonsumo ang elektrisidad sang panahon ni anay Governor Niel Tupas.

Nabaton na ni Bionat ang suspension order kag wala na ini sang tuyo nga mag-file sang Motion for Reconsideration.

Wala naman maserbihan sang order si Tupas bangud nga on-leave gihapon kag ginapatihan naman nga maga-file sang motion si Salcedo. (JoMaque)