IPPO Intel Branch, May Bag-o nga Hepe

Iloilo–May bag-o na nga hepe ang Intelligence branch sang Iloilo Police Provincial Office epektibo sang Lunes.

Ginpahamtang ni IPPO Director PSSUPT Roderick Augustus Alba sa Intelligence Branch si PCINSP Gervenson Moyo, chief-of-police sang Banate Police Station.       Suno kay Alba, inisyatibo sang IPPO nga kakason sa Intel si PSINSP John Ryan Doceo kag ibalik sa Provincial Anti-Illegal Drugs Special Operations Task Group (PAIDSOTG).

Mas maayo suno kay Alba nga isa lang ka posisyon ang uyatan ni Doceo agud matutukan sini ang kampanya kontra sa illegal nga druga.

Nagaka-angay naman nga ibutang suno sa iya sa Intelligence Branch si Moyo bangud nakaagi ini training sa police intelligence officers course. (AGB)