January 18, 2022

Councilor Plaridel Nava, Nagkomfirmar nga may Nagatinguha nga Magpalab-ot sang Kontrobersyal nga White Paper kay PNP Chief Ronald Dela Rosa

Read Time:58 Second

Iloilo City — Ginkonfirmar ni Councilor Plaridel Nava nga may mga pagtinguha nga mapalab-ut kay PNP Chief Director General Ronald Dela Rosa ang kontrobersyal nga white paper nga naga-unod sang ginpahayag Nava-Golez syndicate.

Ginbuyagyag ni nava nga na-interview siya sang iban nga media outlets kag ginpangayuan sang reaksyon sa naguwa nga impormasyon nga ginpadala ang kopya sang white paper kay General Dela Rosa.

Suno sa konsehal, wala na siya nakibot sang nabal-an ang impormasyon.

Nagapati si Nava nga luyag sang sin-o man nga yara sa likod sini nga ma-divert ang isyu sa illegal drugs sa syudad kag maguba ang iya kredibilidad bilang testigo sa masangkad nga problema.

Sang nagligad nga tuig, ginbasa ni Marisol Capasao nga balo ni PDEA agent PO2 Frederick Capasao ang kaundan sang white paper nga gin-email sa iya sa diin gin-ulamid man ang pila ka anchors sang Aksyon Radyo Iloilo nga kabahin sang gin-alegar nga sindikato.

Sang enero subong nga tuig pagkatapos sang imbestigasyon, gin-clear ni former ICPO OIC Kashmir Disomangcop nga wala sang Nava-Golez crime syndicate kag wala man sang katapo sang media nga involved sa sindikato. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post EXCLUSIVE: Former PDEA Chief Dionisio Santiago, Nanginwala sa Akusasyon sang iya Ihado sa Kasal nga si outgoing PDEA 6 Director Paul Ledesma nga Nagapasipsip siya kay Pres. Duterte
Next post Mga Punong Barangay nga Ginreport nagagamit sang Illegal nga Druga, Indi na Makatingalahan suno kay Gov. Arthur Defensor