Mga Punong Barangay nga Ginreport nagagamit sang Illegal nga Druga, Indi na Makatingalahan suno kay Gov. Arthur Defensor

Iloilo City — Indi makatingalahan nga may mga punong barangay sa probinsya nga nagagamit sang illegal nga druga.

Suno kay Governor Arthur Defensor, magluwas sa mga punong barangay, may kongresista man nga nagagamit sang illegal drugs.

Wala man gintumod sang gobernador kun ang kongresista nga drug user, ang taga-probinsya ukon sa guwa sang Western Visayas.

Una nga nag-surrender ang duha ka punong barangay sa probinsya kag nagpirma sang affidavit of undertaking matapos nag-ako nga nagagamit sang illegal drugs. (JoMaque)