Bana nabun-an sang Ginatudlo Karelasyon sang iya Asawa
Oton, Iloilo — Pilason ang 34-anyos nga lalaki nga taga-Guimaras nga ginbuno sang ginatudlo karelasyon sang iya asawa sa Oton.
Natabu ang insidente sa Pakiad, Oton kagab-i.
May pito ka pilas ang bana nga padayon nga ginabulong sa Western Visayas Medical Center.
Suno sa utod sang biktima,naabtan sini nga gina-agbayan sang suspek ang asawa sa boarding house sang babaye.
Napilasan man sa likod ang kaupod sang suspek nga gindala naman sa West Visayas State University Medical Center.
Nadakpan ang suspek kag preso na sa karsel sang Oton Police Station. (JoMaque)