Atty. Hernando Galvez, ginpahamtang nga Bag-o nga City Administrator tal-os kay Mr. Norlito Bautista
Iloilo City — Wala gin-renew ang appointment ni city administrator Norlito Bautista.
Kasunod ini sang pag-appoint ni Mayor Jed Patrick Mabilog kay Atty. Hernando Galvez nga city administrator.
Base sa memorandum order sang alkalde, si Galvez ang magapangalagad nga city administrator epektibo subong nga adlaw.
Wala naman mapaathag sang alkalde ang rason sang pag-ilis kay Bautista nga nagsumiter sang iya courtesy resignation sang nagligad nga semana.
Ginabati-bati naman nga ilisan man sang alkalde si City Legal Officer Da Dinopol. (JoMaque)