City Council, Wala sang Otoridad nga Maghatag sang Franchise sa Double Dragon Properties agud Mag-operate sang Guimaras-Iloilo Ferry Terminal–Councilor Plaridel Nava

Iloilo City–Wala sang otoridad ang konseho nga maghatag sang franchise sa Double Dragon Properties Corporation nga mag-operate sang Guimaras-Iloilo Ferry Terminal sa Parola area.

Pahayag ini ni Councilor Plaridel Nava matapos gin-aprobahan sa first reading sa session sang City Council kahapon ang proposed ordinance nga magahatag sang franchise sa Double Dragon base sa urgent nga first endorsement ni Mayor Jed Patrick Mabilog sa konseho. Suno kay Nava, dapat sa Maritime Industry Authority ukon MARINA nagpangayo sang franchise ang Double Dragon kag indi sa konseho.

Para sa konsehal, tapos na ang GIFT bangud nakapirma sa joint venture agreement si Mabilog kag na-confirm na sang City Council.

Nagapati si Nava nga wala na sang dapat nga obrahon ang konseho bangud nga na-consumate na ang kontrata para proyekto. (AGB)