Mayor Jed Patrick Mabilog kag mga Department heads sa Iloilo city hall, Nagpa-drug test

Iloilo City — Nagpa-drug test si Mayor Jed Patrick Mabilog upod ang mga department heads sa Iloilo City Hall agud mangin maayo nga ehemplo bilang leader sang syudad.

Gin-athag sang alkalde nga personal nila nga bayad ang gasto sa pagpa-drug test kag indi iya sang gobierno.

Masunod nga ipa-drug test suno sa iya ang mga empleyado sang city hall kon may yara na sang budget.

Plano man ni Mabilog nga magpahamtang sang community drug center sa 7 ka distrito sang syudad.

Hinyuon sang alkalde ang city council nga aprobahan ang P5-million nga budget para sa community drug center. (JoMaque)