November 27, 2021

(UPDATE) 8 na ang Patay sa Pag-arado sang 10-wheeler Truck sa Depasahero nga Jeep

Read Time:55 Second

Barotac Nuevo, Iloilo–Walo na ang patay sa pag-arado sang 10-wheeler truck sa depasahero nga jeep nga may biyahe Banate-Anilao-Barotac Nuevo sa Barangay Lico-an kahapon.

Lunsay mga sakay sang jeep ang napatay nga ginkilala kanday Rodolfo Gantuanco nga driver sang jeep; Chona Gantuanco; mag-iloy nga Lea Tamon kag Eugene, 4 ka tuig sang Lico-an, Barotac Nuevo; Aurora Carmona; Madelyn Premidiles kag duha ka wala pa nakilala.

Ginabulong naman sa Western Visayas Medical Center si Blake Alpar sang Cadiz City, Negros Occidental nga driver sang truck; Josephine Panes, 40-anyos sang Anilao;  Gloria Fuentes, 67 sang San Juan, Anilao; Adelfa Vargas; Francis Decilao, 11; Felix Decilao, 42 kag Gemma Rodriguez, 43-anyos.

Suno kay PO3 Samuel Dorelag, traffic investigator sang Barotac Nuevo Police Station, nagtuyo nga mag-overtake ang truck sa Ceres bus kag wala na nakabalik sa iya linya gani nakabunggo sa jeep.

Gin-ako naman sang isa sa duha ka pahinante sang truck nga si Joevanie Galarpe sang Concepcion, Iloilo nga madasig ila dalagan. Kaupod man sa truck ang pahinante nga si Anthony Montero. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mayor Jed Patrick Mabilog kag mga Department heads sa Iloilo city hall, Nagpa-drug test
Next post Mga Empleyado sang City Government, Ipa-drugtest ni Mayor Jed Patrick Mabilog