Anay Hepe sang Sara Police Station-PSINP Asencion Ortizo, Ginrelieve; Ortiz, Blangko sa Rason sang Pagkakas sa Iya

Sara, Iloilo–Ginbaton ni PSINSP Asencion Ortizo ang relief order nga ginpapanaug ni Iloilo Police Provincial Office (IPPO) Director PSSUPT Roderick Augustus Alba nga nagakakas sa iya bilang hepe sang Sara Police Station.

Blangko naman si Ortizo sa rason sang pagkakas sa iya bisan wala pa isa ka bulan nga nagpungko nga chief-of-police sa Sara. Napetsahan ang order sang Hulyo 14 pero sang Hulyo 19 lang sang gab-i nabaton ni Ortizo.

Nagpungko si Ortizo nga OIC sang Sara MPS sang Hunyo 29. Sa iya malip-ut nga pagtenir sa Sara, naglab-ut sa 187 ka drug personalities sa banwa ang iya napa-surrender paagi sa Oplan Tokhang, napa-untat ang pula-puti, nadakup ang mga nagapataya sang illegal gambling, napa-surrender kay Nerio “Ricky” Salcedo ang iya m16 rifle nga expired na ang lisensya kag napa-surrender si Nixon Salcedo Jr nga gintudlo nagtiro patay sa lalaki sa Barangay Apologista. (AGB)