Provincial Government, Mapatawag sang Road and Traffic Safety Enforcement Plan Summit Bangud sa Madamo nga Aksidente sa Dalanon
Iloilo–Mapatawag sang road and traffic safety enforcement plan summit ang probinsya.
Katuyuan sang summit nga matalakay ang nagadamo nga numero sang mga aksidente sa dalanon. Maga-coordinate ang provincial government sa nagkalain-lain nga ahensya sang gobyerno pareho sang PNP, Highway Patrol Group, LTFRB, LTO kag city government.
Na-alarma si Gov. Art Defensor bangud sa sunod-sunod nga aksidente sa dalanon. Sang nagligad nga semana, duha ang patay sa aksidente sang motorsiklo sa San Joaquin. Kahapon naman, walo ang napatay sang gin-arado sang 10-wheeler truck ang depasahero nga jeep sa Barotac Nuevo. (AGB)