Ginatudlo Drug Pusher sa Ajuy nga Nagsurrender Paagi sa Oplan Tokhang, Nadakpan sa Buybust Operation

Ajuy, Iloilo–Nadakpan sa buybust operation sang Ajuy police ang ginapatihan drug pusher sa Barangay Pili kaina.

Ginkilala ni PSINSP Charlie Sustento ang mga nadakpan kanday Daryl James Barber alyas Timoy, 22-anyos sang nasambit nga lugar kag utod sini nga Errel Barber Jr, 24-anyos. Nabaklan si Daryl sang isa ka sachet sang shabu nga nagabalor 200 pesos kag narecover pa gid ang duha ka sachet sang suspected shabu kag mga drug paraphernalia.

Suno kay Sustento, naka-surrender paagi sa Oplan Tokhang si Daryl apang nagbalik ini sa pagbaligya sang illegal drugs base sa impormasyon nga nabaton sang Ajuy police. Preso na ang nadakpan sa karsel sang Ajuy Police Station.