Mag-asawa sa Lambunao, Nadakpan sa Buybust Operation

Iloilo — Dakup ang mag-asawa sa buybust operation sang gintingub nga pwersa sang Philippine Drug Enforcement Agency (PDEA 6) kag Special Operating Unit Bravo kaupod ang Lambunao police kagab-i.

Ginkilala ang nadakpan kanday Jennifer kag Marlon Legada sang Barangay Bontoc Lambunao.

Suno kay Inspector Felix Alianza Jr, hepe sang Lambunao police station, narecover sa mag-asawa ang isa ka apat ka sachets sang suspected shabu kag isa ka daku nga plastic sachet nga ginabanta may street value nga P45,000.

Ginpahayag nga duha ka bulan nga gin-surveillance ang mag-asawa antes nadakpan. (JoMaque)