UPDATE: Wala Gintiro Kundi Aksidente nga Naglupok ang Pusil!

Iloilo City–Wala gintiro ang 16-anyos nga una nagreport nga nabiktima sang riding in tandem samtang nagapungko sa higad sang karsada sa Zone 2 San Juan, Molo Martes sang gab-i.

Suno kay PSINSP Mark Cordero sang Molo Police Station, gin-ako ni alyas Jim nga napilasan siya sa tiyan bangud aksidente nga naglupok ang iya pusil. Wala naman nakita sang mga pulis ang pusil.

Una na nga ginpahayag sang utod ni Jim nga gintiro ang biktima sang riding-in-tandem. Ginpabutyag pa sang utod nga nanugid ang biktima nga nakastiguhan ini sadtu sang grupo nga roll up sa Iloilo City National High School. (AGB)