July 3, 2022

Unit sang Melvin Taxi, Ginsunog sa Sta. Barbara

Read Time:48 Second

Sta. Barbara, Iloilo–Ginsunog ang isa na naman ka unit sang Melvin Taxi sa Barangay Cabugao Norte kagab-i.

Suno kay PO2 Dandy Jinon sang Sta. Barbara Police Station, naupos gid ang unit nga ginamaneho ni Ferdinand Josal sang Boulevard, Molo. Base sa panaysayon ni Josal, may nagsakay sa iya nga lalaki sa Jollibee-Jaro kag nagpadul-ong sa Ungka, Pavia. Pag-abot sa Ungka, nagsaka ang isa pa ka lalaki. Ginpahayag ni Josal nga gintayaan siya sang pusil kag ginpasaylo sa front seat sa kilid sang driver.

Suno pa sa driver, gingapos sang mga suspek ang iya mga kamot sang packing tape kag gintakpan man sang packing tape ang iya mga mata antes siya ginbilin sa Pavia.

Isa pa ka unit sang Melvin Taxi suno kay PO2 Jinon ang nakalabay sa nagakarab-karab nga salakyan gani na-kumpirmar nga ila ini nga unit. Sang Hulyo 6, ginsunog man ang isa ka unit sang Melvin Taxi sa Pulo Maestravita, Oton. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post City Mall sa GIFT complex sa Parola area, Operational na
Next post Operasyon sang Water Sources sang MIWD, Dumalahan na sang Metropac