Mga Empleyado sang Munisipyo kag Barangay Officials sa Barotac Nuevo, Ginpa-Drug Test ni Mayor Braeden John Biron
Btac. Nuevo, Iloilo–Ginpa-drugtest ni Mayor Braeden John Biron ang mga empleyado sang munisipyo kag mga barangay officials lakip na ang mga barangay tanod.
Suno kay Biron, masobra 500 ka empleyado sang munisipyo kag barangay officials ang nagpa-drug test sang Lunes. Katuyuan sini suno sa bataon nga alkalde nga matinluan sa illegal nga druga ang munisipyo kag mga barangay. Pagpakita man ini sang suporta sa masupog nga kampanya ni Presidente Rodrigo Duterte batuk sa illegal drugs.
Kon may magpositibo sa drug test, ginpahayag ni Mayor Biron nga pasakaan niya sang kaso ang natungdan kag pahalinon sa serbisyo. (AGB)