Maasin Vice Mayor Francis Amboy, Nanginwala nga Involved siya sa Illegal Drugs kag Illegal Gambling

Maasin, Iloilo–Todo sa pag-deny si Maasin Vice Mayor Francis Amboy nga involved siya sa illegal drugs.

Ang pahayag ginhimo ni Amboy bilang reaksyon sa impormasyon nga imbitado sa kada birthday celebration niya si Melvin Odicta, ang ginkilala sang Philippine Drug Enforcement Agency ukon PDEA 6 nga drug group leader pero iya ini ginpanghiwala. Suno kay Amboy, isyu na ini batok sa iya sang tiun sang kampanya.

Si odicta suno sa iya ang nakilala niya lang paagi man sa mga balita sa radyo. Ginpabugal man ni Amboy nga wala sang pusher ukon user nga nagsurrender sa Oplan Tokhang sang PNP nga pamatuod nga wala nasulod sang illegal nga druga ang ila banwa.

Ginpanghiwala man ni Amboy ang alegasyon nga protektor siya sang illegal gambling operations sa probinsiya. Kasunod ini sang report nga nga nakit-an siya nga nagpakigsapol upod ang iban pa nga naga-operate sang illegal nga pasugal sa katapusan nga semana sang Hulyo sa isa ka beach resort sa Tigbauan.

Si Amboy ang ginatudlo nga kasosyo sang isa ka “Uncle Sam” nga naga-operate kag nagaremit sang kita sa illegal nga sugal sa Barangay Daga, Sta. Barbara. Suno kay Amboy, handa siya maghatag sang iya litrato para ipa-identify sa sin-o man nga nagapagguwa sang wala sang kamatuoran nga balita. (AGB)