January 18, 2022

Biyahe sang Pumpboat Iloilo-Guimaras, temporaryo nga Ginkanselar

Read Time:48 Second

Iloilo City — Temporaryo nga ginkanselar sang coast guard kaina sang aga ang biyahe sang pumpboat Iloilo-Guimaras bisan wala sang public storm signal bangud sang malain nga panahon.

Ginpakamaayo ni Lt. Commander Ramil Palabrica, station commander sang Coast Guard-Iloilo nga pa-untaton ang biyahe bangud indi na makita ang Guimaras dala sang gulpi nga pagbaskog sang hangin kag ulan.

Bisan wala sang bagyo suno kay Palabrica, sa indi mapaktan nga oras, kanselahon ang biyahe sang sakayan pandagat kun malain ang panahon agud indi mabutang sa peligro ang kabuhi sang mga pasahero.

Nagbalik naman ang biyahe makaligad ang 15 minutos sang nag-untat ang ulan.

Ang paandam ni Palabrica kasunod man sang mga aksidente sa dagat sa diin nagkulob kaina sang aga ang baroto sang 3 ka mangingisda sa Poblacion East, Oton kag nagkapan man ang pumpboat sa baybayon sang Concepcion sang sabado sakay ang 19 ka tawo.

Padayon naman ang biyahe sang fastcraft kag roro Iloilo-Bacolod and vice versa. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Iban nga Pulis nga Nauna ginlawag ni PDuterte nga Ginatudlo involved sa Illegal drugs, Nalakip sa Listahan nga Gina-monitor sang PRO 6
Next post 36-anyos nga Tricycle driver, Ginreklamo nga Naghimulos sa Menor de edad sa Sulod sang Patyo