Iban nga Pulis nga Nauna ginlawag ni PDuterte nga Ginatudlo involved sa Illegal drugs, Nalakip sa Listahan nga Gina-monitor sang PRO 6
Iloilo City — Nalakip sa listahan nga gina-monitor sang Police Regional Office 6 ang iban nga pulis nga nauna na ginlawag ni Presidente Rodrigo Duterte nga ginatudlo involved sa illegal drugs.
Gintumod ni PRO-6 spokesman Gilbert Gorero sanday Police Supt Noel Lamsis, former Iloilo City Police Office Director Khasmir Disomangcop kag former ICPO-Police Station 1 Commander Chief Inspector Rio Maymay.
Si Lamsis ang nalakip sa una nga batch sang 50 ka mga pulis nga ginpa-idalum sa cadet program kag gin-reassign sa Cordillera Administrative Region.
Sanday Disomangcop kag maymay suno kay Gorero ang malakip na kuntani sa masunod nga batch para sa crash course pero ginmitlang na sila ni Duterte sang Domingo kag ginpareport sa Campo Crame.
“THERE IS MORE”
Madamo pa sang mga pulis nga ginadudahan involved sa illegal drugs ang ipa-idalum sa crash course sa Police Regional Office 6.
Ginpa-athag ni PRO-6 Spokesman Gilbert Gorero nga wala pa siya sang go signal agud pangalanan ang second batch sang ipa-idalum sa cadet program.
Gin-ako ni Gorero nga kalabanan sa mga nag-undergo sa programa ang gina-angut sa illegal drug trade pareho nanday Supt Noel Lamsis, Senior Supt Khasmir Disomangcop kag Chief Inspector Rio Maymay.
Ang tatlo, nalakip sa ginhingadlan ni Presidente Rodrigo Duterte sang domingo nga mga ginpahayag drug protectors. (JoMaque)