November 28, 2021

Update: Sulat sang Pamilya Sia nga Nagapabalo nga Indi na Magsukot sang Terminal fee sa mga Magalabay sa GIFT, Nabaton na sang Guimaras government

Read Time:50 Second

Iloilo City — Nabaton sang local government sang Guimaras ang sulat sang pamilya Sia kag Injap group nga ginpadala kay Mayor Jed Patrick Mabilog sa diin nabutang nga librehon na lang ang terminal fee sang mga magalabay sa Guimaras-Iloilo Ferry Terminal (GIFT) sa sulod sang 10 ka tuig kag mahimo pa nga ma-extend.

Suno kay Guimaras Vice Governor John Edward Gando, naka-istoryahanay sila ni Governor Samuel Gumarin tuhoy sa isyu.

Magasapol suno sa iya sa masunod nga inadlaw ang ila legal team agud madesisyunan ang masunod nga tikang bangud sa development.

Madumduman nagpasaka sang kaso ang guimaras government batuk sa Double Dragon Properties Corporation, Guimaras-Iloilo Ferry Terminal Corporation kag city government bangud sa Joint Venture Agreement nga ginpirmahan may kaangtanan sa GIFT sa diin nabutang nga sukton ang mga nagalabay sa terminal sang 11 pesos kag siraduhan man ang Parola kag Ortiz wharves.

Una na nga nagpasugot ang Double Dragon nga indi pagsiraduhan ang duha ka ginadungkaan sang pumpboats halin sa Guimaras. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 16-anyos nga Lalaki, Patay Matapos Naigo sang Naglupok ang Iya Ginahampangan nga Pusil!
Next post Pulis sa La Paz, Ginreklamo nga Nagpanaya sang Pusil