Elementary Teacher kag iya Anak sa Culasi Antique, Dakup sa Buybust Operation

Antique — Dakup ang elementary teacher kag iya bata sa buybust operation sang Culasi Antique Police sa Barangay Sentro Poblacion.

Nakuhaan sanday Jacqueline Pierce, 52-anyos kag iya bata nga si Theodore Charles Pierce sang 4 ka plastic sachets sang suspected shabu, 500 pesos nga marked money kag cellphone.

Yara sa top 3 drug watchlist sang Culasi police si Pierce nga nag-surrender pa sa ginlunsar nga Oplan Tokhang sang nagligad nga bulan apang na-monitor ini nga padayon nga nagabaligya sang illegal nga druga. (JoMaque)