PRO-6 Spokesman, Nag-athag nga Wala Ginsilutan ang PO1 nga Nagreklamo nga Naglain ang Pamatyag Bangud Ginpalibot sang 50 ka Beses sa Camp Delgado Oval

Iloilo City–Gin-athag ni Police Regional Office 6 Spokesman PSUP Gilbert Gorero nga wala ginsilutan si PO1 Herky Obligacion nga nagreklamo nga naglain ang pamatyag matapos ginpahayag ginpalibot sang 50 ka beses sa oval sang Campo Delgado.

Suno kay Gorero, kabahin lang sang physical exercise kag conditioning  ang ginhimo kay PO1 Obligacion. Indi matuod suno sa iya ang akusasyon nga gin-personal ni PSSUPT Anthony Tambungan, head sang PRO-6 Directorial Staff, si PO1 Obligacion.

Sa pagkamatuod suno kay Gorero, si Obligacion ang nagpresentar nga masarangan sini nga libuton ang oval sang 50 ka beses samtang tatlo tubtub apat ka libot lang ang masarangan sang mga kaupod niya nga pulis.

Una na gin-akusahan sang iloy ni PO1 Obligacion nga si Susan nga ginpakahuy-an ni PSSUPT Tambungan ang iya bata matapos wala ini nag-salute sang naglabay ang opisyal sa Regional Headquarters Support Group.

Si Obligacion ang anay miembro sang motorized anti-street crime operatives ukon MASCO nga na-detail kay Mayor Jed Patrick Mabilog antes ginsaylo sa Campo Delgado. (AGB)