December 4, 2021

8 Patay sa Anti-Drug Operations sa Iloilo kag Guimaras Halin sang Hulyo!

Read Time:2 Minute, 7 Second

Walo na ka mga drug personalities sa syudad kag probinsya sang Iloilo kag Guimaras ang napatay sa anti-drug operations halin sang Hulyo.

Subong nga semana, lima ang napatay bangud ginpahayag nga nagbato. Sang Agosto 17, napatay sang operatiba sa Bacjawan Sur, Concepcion si Michael Angelo Abebiner. Kahapon sang kaagahon, napatay sa buybust operation sa Buenavista, Guimaras ang drug surrenderee nga si Reynante Tanaleon sang Aguilar, San Lorenzo, Guimaras. Ginpahayag nga nagabot ini sang pusil kag tuyo nga magbatu sa pulis. Napilasan ini sa kamot kag leog nga naglapos sa ulo. May narecover nga tatlo ka sachets sang suspected shabu, 500 pesos nga buybust money kag 357 caliber revolver nga may apat ka live ammunitions kay Tanaleon.

Sa Passi City,  natiruhan sang police si Michael Huesca sang Guinobatan, New Lucena sa buybust operation kahapon sang hapon. Suno kay PCI Elmer Magbanua, nagabot sang pusil si Huesca kag gintiro ang pulis nga nagpakuno-kuno nga poseur-buyer apang wala naglupok. Napilitan ang mga pulis nga magbalos palupok sa diin may duha ka igo si huesca sa kilid sang lawas. Narecover kay huesca ang drug paraphernalia, 38-caliber revolver kag mga bala.

Sa Ajuy, napatay sa drug bust operation sa Barangay Pili si Paul Centeno sang amo man nga lugar. Suno kay PCI Charlie Sustento, nagkuha sang 12-gauge homemade shotgun si Centeno kag gintiro si PO1 John BrVvicente nga naigo sa dughan. Apang wala nakalapos ang bala bangud nakasoksok si Vicente sang bullet-proof vest. Napilitan nga magbalos ang pulis kag naigo si Centeno sa dughan. Si Centeno ang nagsurrender sa Oplan Tokhang sang Ajuy police.

Napatay naman kagab-i ang ginakabig high value target sa Pali Benedicto, Mandurriao nga si retired SPO1 Wilson de Leon. May lima ini ka pilas sang pagkatiro samtang lakip sa recoveries ang isa ka bulto sang suspected shabu, kutsilyo, duha ka cellphones, 150 pesos nga cash, holster, ID, granada, 45-caliber pistol kag mga bala. Si de Leon suno kay PSI Adolfo Pagharion sang Mandurriao Police Station ang naga-operate sa Northern Iloilo.

Sang Agosto 5, napatay man ang gin-classify nga high value target nga si Kenneth Sumodevilla sa operasyon sang Molo police kag City Anti-Illegal Drug Special Operations Task Group sa Compania Central, Molo. Isa sa duha ka pusil nga narecover kay Sumodevilla ang ginapanag-iyahan sang pulis.

Sang Hulyo 18, napatay sa buybust operation sa RBR Beach Resort sa Arevalo si Freddie Sumbing Jr sang Rizal Pala-Pala, City Proper. Sa amo man nga adlaw, napatay si Panfilo Artuz Jr sang Malitbog Centro, Calinog. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Tatlo ka mga Drug Personalities sa Probinsya sang Iloilo, Patay sa Buybust operation
Next post RETIRED POLICE, PATAY SA BUYBUST OPERATION SA BARANGAY PALI BENEDICTO, MANDURRIAO