Shoot-to-kill Order Batuk sa Duha ka Suspek sang Pagtiro-Patay sa Tatlo ka UPDATE: Tawo sa Cabatuan, Nagapabilin Suno Kay Mayor Ronilo Caspe

Cabatuan, Iloilo–Nagapabilin ang shoot-to-kill order ni Cabatuan Mayor Ronilo Caspe sa duha ka suspek nga nagtiro patay sang tatlo ka tawo sa namatyan sang nagligad nga Biernes sang gab-i.

Pero gin-athag ni Caspe nga wala sang matabu kanday Arnel Montoya kag Jay Celda sang Barangay Anwang kon matawhay sila nga magsurrender kag indi magbato sa mga pulis. Na-istorya ni Caspe ang pamilya sang mga suspek kag ginhingyo nga pasungkaun ang mga ini.

Si Montoya ang bangka sa hampang nga pusoy kag upod sini sa lamesa ang mga mag-utod nga Jolyn kag John Mark Celda nga iya gintiro bangud posible nga tinak-an bangud sa kakulit kag kagahud sang mga ini. Ang utod sang mga napatay nga si Jay Celda ang natiro naman sa ila pakaisa nga si Teofilo Celda nga nagpakalma lang kuntani sa iya. Napatay si Teofilo samtang ginabulong sa ospital. (AGB)