January 27, 2022

Drop-in Rehab Centers, Ginlunsar sang City Government!

Read Time:1 Minute, 23 Second

Iloilo City–Ginlunsar sang City Government kahapon ang bag-o nga proyekto batuk sa illegal drugs paagi sa pagbukas sang mga Drop-in Drug Rehabilitation Center.

Katuyuan sini nga mabuligan ang mga identified drug users sa Oplan Tokhang nga mabalik sa normal ang ila kabuhi. Ginpangunahan ni Mayor Jed Patrick Mabilog ang launching kahapon kag gintambungan nanday PRO 6 Director PCSUPT Jose Gentiles, ICPO Director PSSUPT Remus Zacharias Canieso kag mga punong barangay.

Nagpa-in ang syudad sang 7.7 milyones pesos para sa proyekto nga magasakop sa rehab expenses sang mga mga drug surrenderees. Anum ka bulan nga magapaidalum sa rehabilitation ang mga drug users sa mga drop-in drug rehabilitation centers nga ipahamtang temporaryo sa pito ka mga district gyms sa City Proper, Jaro, Lapaz, Lapuz, Molo, Arevalo kag Mandurriao.

‘Relax mode’

Liwat naman nga ginbasol ni Mayor Mabilog ang nagligad nga administrasyon nga wala gid nagtutok sang todo sa anti-drug operations gani naglala.

“Nakikita natin ang figures. Ang laki ng figures. At saka, dati naman sa mga past administration(s), hindi naman talaga nila nabigyan ng talagang tutok katulad nito. So admittedly, medyo naging relax po ang lahat at saka lumaki ang drug problem sa ating bayan. That is why when the surrenderees started to come, napakarami sa kanila. Dito sa Lungsod ng Iloilo, pumapalo na ng 2, 500. Pero kulang pa ‘yan. Ang sinabi ni General Gentiles, ang kanilang estimate dito sa Iloilo ay 20, 000 drug pushers, users and all other personalities,” ang kabahin sang speech ni Mabilog.

Gin-athag ni Mabilog nga suportado sang syudad ang programa sang Duterte administration kontra sa kriminalidad ilabe na sa illegal nga druga. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Tricycle Driver sa Pavia, Nadakpan sa Buybust Operation!
Next post Mag-asawa nga Meriam kag Melvin Odicta, Nagpakigkita kay DILG Sec. Ismael Sueno sa Camp Crame agud Ipanghiwala ang ila kahilabtanan sa Illegal Drug Trade sa Iloilo