Nagpresentar Lang kag Wala Nagsurrender!!!

Iloilo City–Nagpresentar sang kaugalingon kag wala nagsurrender si PDEA-6 identified drug group leader Melvin Odicta.

Pa-athag ini ni Atty. Gualberto Cataluña, isa sa mga abogado ni Odicta kasunod sang pagpadulong sini sa Campo Crame upod sa iya asawa nga si Meriam kag nagpakigkita kay DILG Secretary Ismael ‘Mike’ Sueno kahapon. Sa pagpati ni Cataluña, indi matawag nga pag-surrender ang ginhimo sang iya kliyente bangud wala ini sang arrest warrant kag wala man sang kaso.

Suno sa abogado, luyag lang ni Odicta nga i-clear ang iya pangalan nga ginatudlo nga drug lord sa syudad sang Iloilo. Ginpanghiwala man ni Cataluña nga may ginsugid Oi odicta nga mga pulitiko ukon pulis nga may kahilabtanan sa illegal drug trade.

Una dire, ginpabutyag sang isa pa ka abogado ni Odicta nga si Atty. Raymond Fortun nga wala nag-surrender ang iya kliyente bangud wala ini nalakip sa narco list ni Presidente Rodrigo Duterte. (AGB)