January 23, 2022

(UPDATE) Task Force Odicta, gintukod sang PRO 6

Read Time:56 Second

Iloilo City — Ginapadalman sang Police Regional Office 6 ang imbestigasyon sa pagpatay kay PDEA 6 identified drug group leader Melvin Odicta kag misis sini nga si Meriam sa Caticlan Jetty Port sa Malay Aklan kahapon sang kaagahon.

Ginkonfirmar ni Senior Superintendent John Mitchell Jamili, director sang Aklan Police Provincial Office, nga nagtukod na sang Task Force Odicta nga magatutok sa imbestigasyon sa natabu.

Nagapamuno sa task force si Senior Superintendent Alfredo Valdez, ang Deputy Regional Director for Operations sang PRO-6.

Miembro man sang task group si Jamili kag iban pa nga law enforcement units.

Ginalauman sang task force nga makapaguwa sang resulta sang imbestigasyon sa labing madali nga tiun.

Sa karon suno kay Jamili, nagatipon sang mga ebidensya ang Malay police kag may nakuha naman sila nga testigo nga amo ang chief security nga naka-duty sang natabu ang krimen.

Base sa panaysayon sang testigo, nakita sini ang gunman sang nagpanaug sa barko kag nagdalagan sa naka-park nga mga trucks pagkatapos sang pagpangtiro.

May narecover sa crime scene nga tatlo ka empty shells kag tatlo ka bala sang 45 caliber kag magazine sang caliber-45. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Top 5 Municipalities nga may Pinakamadamo nga Kaso sang Dengue, Ginapatutukan sang Provincial Health Office
Next post 25 ka mga Balay, Nasunog sa North San Jose Molo