ICPO Dir. Remus Zacharias Canieso, Nagpasalig nga Hatagan sang Security si Mayor Mabilog

Iloilo City — Ginpasalig ni Iloilo City Police Office Director Remus Zacharias Canieso nga hatagan sang security si Mayor Jed Patrick Mabilog sa iya mga aktibidad sa syudad.

Reaksyon ini ni Canieso kasunod sang statement sang spokesperson ni Mabilog nga si Atty. Mark Piad nga main concern nila ang security kasunod sang pagpatay kay PDEA 6 identified drug group leader Melvin Odicta kag asawa sini nga si Meriam.

Si Mayor Mabilog ang ginhingadlan ni Presidente Rodrigo Duterte nga involved sa illegal drugs pero ginpanginwala ini sang alkalde.

Suno kay Canieso, wala man sila sang nabaton nga impormasyon nga may pamahug sa kabuhi si Mabilog.

Pero bilang local chief executive, nagahatag suno sa iya sang seguridad ang ICPO kon may mga aktibidad si Mabilog. (JoMaque)