August 11, 2022

Operasyon sang Odicta Drug Group, Nakalab-ut sa Albuera, Leyte Suno sa PRO-6 Spokesman

Read Time:47 Second

Iloilo City–Nakabaton sang impormasyon ang Police Regional Office 6 nga nakalab-ut sa Albuera, Leyte ang operasyon sang Odicta drug group.

Ginbuyagyag ini ni PRO-6 PIO PSUPT Gilbert Gorero matapos gintiro patay si PDEA-6 identified drug group leader Melvin Odicta kag asawa sini nga si Meriam sa Caticlan Jetty Port sa Malay, Aklan sang Agosto 29 sang kaagahon. Nagapangita sang paagi ang mga pulis suno kay Gorero kon paano ma-link ang drug groups sa Region 6 kag Region 8.

Gin-ako ni Gorero nga mabudlay mataud kon sin-o ang mga drug protectors bangud patay na si Odicta.

Madumduman nga nagsurrender kay PNP Chief Ronald Dela Rosa si Albuera Mayor Rolan Espinosa kag nanginwala nga involved siya sa illegal drugs. Sa baylo, gintudlo sini ang iya bata nga si Kerwin nga amo ang nagabaligya sang illegal drugs. Wala gihapon nagpakita si Kerwin sa pihak sang apelasyon sang iya amay nga magsurrender na. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Kapid nga Fetus, Ginhaboy sa Kilid sang Dalan sa Passi City
Next post Mga Barangay Officials sa Syudad, Ginmanduan nga Magpaninlo Kada Sabado!