Dugang nga mga Pulis, Ginhingyo ni Mayor Jed Patrick Mabilog Kasunod sang Davao City Bombing!

Iloilo City–Naghingyo si Mayor Jed Patrick Mabilog sang dugang nga presensya sang mga pulis sa pampubliko nga lugar kag dalagku nga commercial establishments sa syudad.

Nagpangabay si Mayor Mabilog kay Iloilo City Police Office Director PSSUPT Remus Zacharias Canieso kasunod sang bomb attack sa Davao City sang nagligad nga Biernes sa diin 14 ang napatay kag masobra 60 ang nasamaran. Nagpanawagan man si Mabilog sa mga tawo nga mangin mabinantayon kag i-report gilayon sa mga pulis ukon barangay officials kon may matalupangdan nga makaduluda nga hulag.

Una na nga ginkondenar ni Mabilog ang natabu sa Davao City. (AGB)