Ilonggo nga Abogado, May sabat sa pahayag ni Sen. Franklin Drilon nga indi Balasehan ang Davao Blast sa Pagdeklarar sang “State of Lawlessness sa Bug-os nga Pungsod

Iloilo City — Wala sang expertise si Senator Franklin drilon sa isyu sang national security pareho sang problema sa kriminalidad, illegal drugs kag Abu Sayyaf group.

Komento ini ni Atty. Hector Teodosio sa statement ni Drilon nga Davao City man lang ang ginbombahan sang nagligad nga biernes kag 14 lang ang napatay nga indi gid balasehan sa pagdeklarar sang “State of Lawlessness” sa bug-os nga pungsod.

Suno kay Teodosio, sa iya paghangup, sagad ang ilonggo senator sa mga transaksyon para sa mga proyekto nga minilyon ukon bilyon ang bili.

Dapat mahangpan suno kay Teodosio nga lain ang terorismo subong sa rebelyon sang una bangud ang mga sibilyan ang target.

Ang “State of Lawlessness” suno sa iya i-define sa bag-o nga konsepto sang terorismo gani ensakto ang deklarasyon ni Duterte.

Nagapati naman si Teodosio nga posible panilagan ni Duterte ang reaksyon sang publiko sa “State of Lawlessness” antes maghimo sang masunod nga tikang pareho sang suspension sang Writ of Habeas Corpus ukon Martial law.

Mahimo man suno sa iya nga makadeklarar sang Martial law ang presidente sa mindanao ukon iban nga parte sang pungsod.

Bisan makaduha ka beses siya nga napreso sang martial law sa panahon ni the late dictator Ferdinand Marcos, pabor naman si Teodosio kon maghimo sang pareho nga deklarasyon si Duterte sa subong nga panahon KON kinahanglanon nga ipatuman ang law and order kag santu sa constitution. (JoMaque)

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %