Mga Guimarasnon, nasubuan sa Palabtik nga Istorya ni Mayor Jed Patrick Mabilog

Iloilo City — Nasubuan ang mga Guimarasnon sa palabtik nga istorya ni Mayor Jed Patrick Mabilog sa meeting sini sa mga miembro sang barangay anti-drug abuse council ukon BADAC kahapon sa Jaro covered gym.

Gintumod ni former Guimaras Vice Governor Vicente De Asis ang pahayag sang alkalde nga posible indi gusto sang mga guimarasnon nga mag-agi sa Guimaras Iloilo Ferry Terminal bangud nahadluk nga may makita sa ila bagahe kon ipaagi sa x-ray machine.

Suno kay de asis, indi maayo ang nabuy-an nga mga tinaga ni Mabilog kag mahimo nga epekto na sang stress ang statement ni Mabilog.

Nahangpan man kuntani sang pila ka guimarasnon si mabilog suno kay De Asis bangud daw makaluluoy ini sang nakita sa campo crame matapos ginhingadlan ni Presidente Rodrigo Duterte nga involved sa illegal drugs.

Pero ginsulit ni de asis nga nagpamatuk sila bangud sa probisyon sa Joint Venture Agreement nga sukton sang 11 pesos nga terminal fee ang mga malabay sa GIFT kag siraduhan ang Ortiz kag Parola wharves.

Ginpabutyag ni Mabilog nga wala sang shabu laboratory sa Iloilo City suno sa PDEA 6 kag mga pulis kag imposible man magsulod ang illegal drugs bangud istrikto ang paluparan kag iban nga mga pwerto sa pagpasulod kag paguwa sang mga pasahero.

Pero ang mga pasahero nga nagapakadto ukon nagapabalik halin sa Guimaras ang wala gani sang xray machines sa ila pwerto. (JoMaque)

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %