November 27, 2021

UPDATE: Pulis nga Napatay sang Tokhang Surrenderee sa Ajuy, Ginpasidunggan sang Police Regional Office 6

Read Time:48 Second

Ajuy, Iloilo–Ginhatagan sang posthumous award si late PO3 Kenneth Torreres nga gintiro patay sa bulangan sa Sitio Casamara, Barangay Central sang damlag lang.

Dapat pasidunggan si Torreres suno kay Police Regional Office 6 Spokesperson PSUPT Gilbert Gorero bangud sa kaisog nga ginpakita sa kampanya kontra illegal nga druga. Ginhatagan man sang PNP wounded medal ang pilason nga kaupdanan ni Torreres nga sanday PO1 John Brave Vicente kag PO2 Ryan Alfin.

Si Torreres ang gintiro patay sang Tokhang surrenderee nga si Armand Edem sang Barangay Taguhangin, Ajuy. Napilasan sanday Alfin kag Vicente sang gintiro ni Edem kag nasalabat ang sibilyan nga si Nestor Aquarino.

Napatay man sang mga pulis si Edem nga may lima ka pilas sang pagkatiro. Ginreport nga nagpanaya sang pusil si Edem bangud naakig nga napierde sa bulang.

May report man nga akig ang suspek sa mga pulis bangud sa pagdakup sa iya pakaisa nga ginatudlo high value target drug personality sang nagligad nga bulan. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post (Update) 19 ka mga Gin-relieve nga Miembro sang Law Enforcement Unit sang LTO 6, may Bag-o na nga Assignment
Next post Guimaras Police, Nanindugan nga Wala sang Shabu Laboratory sa Isla!