Inmate sa IPIJ sa Pototan nga may Kaso May Kaangtanan sa Sunog sa Maria Clara City Proper, Napatay bangud sa Balatian

Iloilo — Napatay sa ospital ang inmate sang Iloilo Provincial Integrated Jail sa Pototan nga suspek sa pagsugod sang daku nga sunog sa Maria Clara City Proper.

Ginkonfirmar ni Jail Senior Inspector Abner Zamora, warden sa IPIJ, nga gindala sa Iloilo Provincial Hospital sa Pototan si Rodolfo Boy Supremo bangud nabudlayan sa paginhawa pero napatay.

Ginpahayag nga nagasuprer sang chronic pneumonia si Supremo.

Si Supremo ang ginpasakaan sang kaso sang taga-Bureau of Fire Protection bangud sa sunog sa Maria Clara sang marso nga nag-upos sang madamo nga pamalay. (JoMaque)