Mga Health Officials, Naghiwat san Pulong-Pulong sa Benedicto, Jaro Kasunod sang Tatlo ka Kaso sang Zika Virus

Iloilo City–Ginpangunahan sang mga personnel sang Department of Health 6, City Health Office kag mga barangay officials ang pulong-pulong sa Barangay Benedicto, Jaro kahapon.

Katuyuan sini nga makahatag sang insakto nga impormasyon kag makatudlo sang mga paagi agud matapna ang mga lamok nga nagadala sang zika virus, dengue kag chikungunya. Kasunod man ini sang ginreport nga tatlo ka kaso sang zika virus sa barangay.

Nagtambong man sa pulong-pulong ang mga pumuluyo halin sa kaiping nga mga barangay. Suno kay Punong Barangay Loweng Villarina sang Benedicto, Jaro, ang pagtambong sang mga pumuluyo sa kaiping nga mga barangay nagapakita lang nga nagasuporta sila sa kampanya kag handa nga magbulig agud madula ang mga lamok nga nagadala sang mga balatian.

Una na ginpahibalo ni Dr. Bernard Caspe sang City Health Office nga maga-spray sila sang insecticide sa 530 ka mga balay sa Benedict. (AGB)