December 1, 2021

UPDATE: Board Member Liecel Seville, Itaya ang Iya Pwesto sa Ginpasaka nga Kaso Kontra sa Iya ni New Lucena Mayor Christian Sorongon

Read Time:1 Minute, 1 Second

Iloilo–Itaya ni former New Lucena Mayor kag subong Second District Board Member Liecel Mondejar-Seville ang iya ginpangabudlayan nga puwesto kun mapamatud-an nga may nahimo siya nga sala kasunod sang pagpasaka sa iya sang kaso ni Mayor Christian Sorongon.

Suno kay Seville, maisog siya nga mataya sang iya posisyon bangud sigurado siya nga wala siya sang nakomiter nga anomaliya sang siya pa ang mayor sang banwa. Dugang niya, matinlo ang iya kunsensiya kadungan sang paghangkat man kay Sorongon nga mag-resign kun wala ini sang mapresentar nga ebidensiya. Ang budlay suno sa iya kay Sorongon nga nagsala-sala lang ini pasaka sang kaso nga wala anay nagpamangkot.

Suno naman kay Sorongon, indi niya pag-i-entertain ang panghangkat ni Seville. Ginpahayag sini nga indi man patu-pato ang iya akusasyon kay Seville bangud nagbase siya sa report sang Commission on Audit.

Ginpasakaan ni Sorongon si Seville sang kaso sa Ombudsman bangud sa ginpahayag wala na-itemize nga pagamit sang 1.7 million pesos nga 20% development fund sang 2014. Lakip man diri suno kay Mayor Sorongon ang unliquidated cash advances ni Seville nga P151,000 sang Disyembre, 2014 kag tatlo ka milyon ka pesos nga notice of disallowances sang 2015. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Na-aresto sa Buybust Operation, Napatay Matapos Gin-atake sa Corazon
Next post LALAKI, NAGKASTIGO SA MASAHISTA NGA NAGBALIBAD MAGPAKIG-SEX SA IYA!