Numero sang mga Barangay sa Western Visayas nga Drug Affected, Nagdoble Suno sa PRO-6!

Nagdoble ang mga numero sang mga barangay nga drug affected sa Western Visayas base sa data sang Police Regional Office 6.

Ini ang rason suno kay PRO-6 Spokesman PSUPT Gilbert Gorero nga nagmandu si PRO-6 Director PCSUPT Jose Gentiles nga ibalik sa zero ang drug-clearing operations. Suno kay Gorero, may mga barangay kag kabanwahanan nga una na gindeklarar nga drug-cleared apang may nag-surrender sang ginlunsar ang Oplan Tokhang.

Nagapakita lang ini suno sa iya nga may problema gihapon sang illegal drugs sa barangay ukon munisipalidad gani kinahanglan nga magbalik sa zero ang drug-clearing operations.

Pagabasehan sa drug-clearing operations sang PRO-6 suno kay Gorero ang numero mga drug surrenderees sa Western Visayas sa ginhimo nga Oplan Tokhang. (AGB)